Esou lues loossen mir d'Kaz fir d'Zweet aus dem Sak... an des Kéier ouni Stuerm... den Treffpunkt fir d'Veranstaltung ass um 17:00 op folgender Adresse: Rue du Pont Wiltz - Ancien Parking Monopol.
De Virverkaf leeft bis Sonndes den 9. September um 12:00. Et gëtt och nach Ticketen op der Platz.
Mir bieden Iech wiedergerecht Kleedung unzedoen an fest Schong.
---
De Kënschtlerkollektiv MASKéNADA, zesumme mat Hydre Editions an de Partner vum Weeltzer Prabbeli, lueden de Publikum op eng kulturell Rees op symbolesch, historesch an ongewéinlech Plazen an a ronderëm Wooltz an. D'Leit kafen, fir een Owend, d'Kaz am Sak, si wëssen am viraus net wou a wat se kucke ginn. Op Basis vun engem Text vun engem Auteur(e) entsteet eng Créatioun ronderëm KënschtlerInnen aus ënnerschiddlechen Disciplinnen.
D'Platzen hunn d'Identitéit an d'Geschicht vu Wooltz a senger Regioun gepräägt. Béier, Lieder an Natur sinn nëmmen e puer Zutaten déi de KënschtlerInne Stoff gi fir hire Projet zesummenzespannen.
De Publikum wäert des Platzen, déi meeschtens net zougänglech sinn, an engem anere Liicht kenneléieren. Duerch de Storytelling vun den Auteuren an duerch de Bléck vun de KënschtlerInnen entsteet eng Ausernanersetzung mat kulturellem Patrimoine, Aarbechtswelt an och Zukunftsfroen iwwer d'Regioun.
Koproduktioun MASKéNADA, Coopérations Wiltz, Hydre Editions
Mat der Ennerstetzung vum Ministère de la Culture, der Oeuvre Nationale de Secours Grande Duchesse Charlotte an der Fondation Indépendance
